Supporting our community through the COVID-19 crisis.

Yn ystod y cyfnod heriol hwn, mae CYCA yn parhau i ddarparu amrywiaeth o wasanaethau i’r rhai mwyaf anghenus. Rydym yn darparu nifer o wasanaethau o bell, gan gynnwys hyfforddiant, mentora a chwnsela, a hynny dros Skype, Zoom neu WhatsApp. Mae ein llinellau cymorth hefyd yn agored, a byddwn yn gwneud ein gorau i gysylltu ’nôl ag unrhyw un sy’n cysylltu â ni.

Mae staff ein meithrinfa wedi bod yn brysur yn darparu gweithgareddau dyddiol i’r plant iau, ac rydym yn falch o gynnig adnoddau ychwanegol ar gyfer plant ar ein gwefan newydd.

At hynny, rydym wedi datblygu gwybodaeth ac adnoddau ar gyfer gweithwyr proffesiynol, staff a rhieni, tudalen Lles sy’n cynnwys myfyrdodau, offer ar gyfer llesiant a thechnegau anadlu, ynghyd â gwybodaeth am ein cynnig o hyfforddiant rhithwir.

Yn ystod y cyfnod digynsail hwn, rydym yn eich annog i gadw’n gryf ac yn gadarnhaol. Bydd plant yn synhwyro pryder rhiant, felly rydym yma i’ch helpu i reoli hynny.

Mae staff CYCA yn parhau i weithio bob dydd. Os oes gennych ymholiad, anfonwch neges e-bost atom ar support@cycaonline.org

Tracy Pike, MBE
CEO

Hyfforddi a Dysgu

Yma yn CYCA rydym wedi gorfod addasu’n gyflym i’r ffordd yr ydym yn ymgysylltu â’n cymuned. Rydym ’nawr yn cynnig gwasanaeth cwnsela, hyfforddiant a gwasanaethau cymorth eraill o bell. Isod ceir rhai enghreifftiau o’r hyn yr ydym yn ei wneud i’ch cefnogi.

Cymorth llesiant

Mae ein Cwnselydd, Gwilym, ynghyd â thîm CYCA, yn rhannu negeseuon ac arweiniad â chi, a hynny er mwyn eich helpu i greu amgylchedd hapus ac iach yn y cartref yn ystod y cyfyngiadau symud.

Plant a phobl ifanc

Mae gorfod addysgu yn y cartref yn ystod y cyfnod hwn yn gallu bod yn heriol. Rydym wedi gofyn i aelodau o’n tîm hyfryd rannu flogiau i ddiddanu ac addysgu. Gobeithiwn y byddwch chi a’ch plant yn eu mwynhau ac yn dysgu ohonynt!

Gallwch hefyd weld y gwaith celf y mae ein plant talentog wedi ei rannu ar ein Wal Gelf. Mae croeso i chi anfon atom unrhyw beth yr hoffech ei arddangos.

yn ystod y Cyfyngiadau Symud

Ffitrwydd

Tra ein bod i gyd yn gaeth i’r tŷ, mae angen i ni ofalu am ein lles corfforol, yn ogystal â’n lles meddyliol ac emosiynol. Dyma ychydig o flogiau defnyddiol i roi ysbrydoliaeth i chi gartref.

Eich adborth

Mae eich adborth yn bwysig i ni; eich cefnogi chi sy’n ein hysgogi i godi o’r gwely yn y bore, ac mae clywed am y modd y mae rhai ohonoch wedi cofleidio’r cyfleoedd hyn wedi bod yn ysbrydoledig.
Diolch i Gronfa Gymunedol y Loteri Genedlaethol am ei herthygl ddiweddar amdanom: Y Modd y mae Cymdeithas Ieuenctid a Phlant Sir Gaerfyrddin (CYCA) yn addasu i COVID-19.

Wal o’ch Celf chi

Wal Gelf

Mae’r dudalen hon yma i arddangos eich gwaith chi.
Ewch ati i rannu eich gwaith celf, eich crefftau a’ch dyluniadau â ni er mwyn ysbrydoli eraill.

Adnoddau

Rydym wedi casglu adnoddau diddorol ynghyd o wahanol ffynonellau. Byddwn yn parhau i ychwanegu atynt. Gobeithiwn y byddwch yn eu cael yn ddefnyddiol.